CAN OLP    OBRADOR de LITERATURA PESTILENCIALA
DICANCIONARI
diccionari numeric metanormativizat de NOVLenga (Neo-Occitan Virtual Language)
Prefaci
L'INTERÈS d'un dicionari informatizat es que se pòt actualizar e completar a la demanda. Alavetz, l'OLP a decidit d'esperar pas d'aver un dicionari complet per metre en linha lo fruch de son trabalh. Los ciberlectors auràn pas besonh d'esperar d'annadas per profitar d'aquel diccionari, a la diferéncia d'autres coma lo diccionari francés-occitan de Crestian Lapin, publicat a rason de 3 o 4 letras per volum, en començar a la letra A, e d'un volum tots los 10 ans. Los joves dintrats en classa bilinga al moment de la letra A e que se demandan desempuei d'annadas cossí dire "water-closet(s) / watercloset(s)", "xénélasie", "yttrifère" o "zinzinuller" en lenga nòstra deuràn esperar la retirada per o saber.

    Trabalhar e publicar un dicionari en seguent l'òrdre alfabetic es fòrça curiós, coma si los mots començant per A o C serián mai de besonh que los començant per L o R. Classar los mots publicats dins l'òrdre alfabetic se justifica; los publicar dins l'òrdre alfabetic a pas de sens. (La justificacion de l'usatge sincronic de l'alfabet legitimiza pas son usança en diacronia, per emplegar la terminologia limpida de Robert L'Afront e de sos discípols.)

    Evidentament, l'OLP es pas tombat dins la trapèla de la confusion sincronia/diacronia e, se classa las entradas del DICANCIONARI per òrdre alfabetic, se sentís pas tengut de far la mesa en linha segon lo meteis principi.

F
felisbridge n.m. 1. pont del bonaür. "Sul pont d'Avinhon" es l'imne del felisbridge. 2. Aparelh dentari que contribuís a rendre la vida mai urosa. La maissa me doliá tant que ma dentista me pausèt un felisbridge. Ne sei fòrça content. Aquela dentista es la reina dau felisbridge (Teodòr Aubanèl, La Miugrana entreduberta, tròces inedits)

G

geriatria n.f. servici de santat qu'a per foncion de destriar los vièlhs. Lo papet es dintrat dins un servici de geriatria.

geriatria n.m o f. vielh(a) de tria.
J

juvenilitat n.f. malautiá deguda a la joinesa equivalent de la senilitat pels vièlhs.

Juvenil adj. atenh de juvenilitat Aquel canhòt es completament juvenil. De pas confondre amb juvenullitat/juvenul (veire aquels mots)

juvenullitat n.f. nullitat infantila.

juvenul adj. atenh de juvenullitat. Cal estre completament juvenul per escotar Claudi Sicre.
S

septimania n.f. malautiá senila d'obsession de la chifra set. Robert Lafont es atenh de septimania.

septimaniac adj. atenh de septimania. Lo Freche es septimaniac.

septimanilha n.f. jòc de cartas, varianta de la manilha, que se jòga a set. Al CR de Lengadòc-Rosselhon, los emplegats passan lor temps a jugar a la septimanilha.


back to the CAN