| presentacion |
TOTA ASSOCIACION, comitat,
partit, movement o collectiu occitan passa lo mai clar de son temps a
redigir de comunicats.
Lo CAN se fot completament de comunicar o pas. De tota faiçon, los comunicats publicats per las associacions o grops occitanistas, redigits en novlenga per la màger part, son legits per degun. Lo CAN, dins una actitud autenticament nihilista, a donc decidit de produrre el tanben de comunicats. preocupat d'eficacitat, a combinat los principis del taylorisme e la poténcia de las nòvas tecnologias dins la mesa al punt d'un logical especialament designat per produrre de comunicats a la damanda segon un esquèma pre-establit. Comunicat n°1 : sosten als OGM e als gendarmas mobils Comunicat n°2 : per la remesa en activitat dels volcans d’Alvèrnhe signatz la peticion en linha! |
| OLP | |
| publicacions | |
| vida
vidanta |
|
| comunicats |
|
| kit de subrevida en mitan occitanista | |
Comunicat
n°1 :
sosten als
OGM e als gendarmas mobils
Lo CAN protèsta
energicament contra las temptativas de dalhatges
salvatges de milh transgenic e exprimís son mesprètz
total de l’activisme
paleò-revolucionari dels cacomarxistas de « Petarem
au
amac ». Apòrta
sos sosten sens reserva als gendarmas mobils e autres elements de
manteniment
de l’òrdre public qu’an saubut, dins lo respècte dels
drechs de l’òme,
empachar qualques extremistas de destrusir lo fruch del trabalh
d’onestes
ciutadans.
Comunicat
n°2 :
per la remesa en activitat dels volcans
d’Alvèrnhe
Lo CAN protèsta
energicament contra la discriminacion
vergonhosa que ne’n son victimas los territòris occitans de la
part dels poders
publics. En efièch, la desertificacion de las campanhas, seguida
de la
desindustrializacion, daissan mantunas regionas occitanas dins una
situacion de
jos-desvelopament economic catastrofic. La sola possibilitat de
desvelopament
es l’expleitacion de las riquesas toristicas, que mancan pas dins
nòstre país,
mespresat pel govern francés mes benesit de la natura. Los
fabulós volcans
d’Alvèrnhe, recentament mes en onor gràcia al pargue
Vulconia, son una jòia
de
la natura e del torisme. Malastrosament, son atudats desempuèi
de
desenats de
sègles, çò que representa, per rapòrt als
volcans en activitat qu’atiran los
toristas en massa, un mancament de ganh considerable. Fàcia a la
concurrença
internacionala augmentada per una mondializacion incontrarotlada,
l’Estat
francés daissa Alvèrnhe dins una situacion de
concurrença desleiala
inacceptabla e concentra sos esfòrç sus qualques DOM-TOM
qu’exiben de faiçon
desvergonhada una activitat volcanica efectiva, del temps que l’incuria
del
govern daissa los volcans d’Alvèrnhe desesperadament fregs. Lo
CAN exprimís sa
solidaritat amb los abitants dels territòris d’oltra-mar, mes
reclama una
egalitat de tractament e exigís la remesa en activitat immediata
dels volcans
alvernhats.
Atencionat pasmens a
donar pas dins lo rampèl protestatari
estèrle e a presentar de demandas rasonablas, lo CAN se
contentariá, al mens
dins un primièr temps, de la remesa en activitat del Puèi
de
Doma.
| SIGNATZ LA PETICION EN
LINHA! Per signar la peticion en linha, prendre un fuèlha de papièr de 5 cm de naut e un mètre cinquanta de larg. Copiar lo comunicat e i apondre vòstre nom, pichon nom, adreça, numèro de segurerat sociala, data e luòc de naissença, vòstres pes e mensuracions, lo numèro e lo còdi de vòstra carta de credit bancari, puèi signar, LO TOT SUS UNA SOLA LINHA. Es una condicion indispensabla per signar una peticion EN LINHA. Après, ne fasètz çò que volètz. Es inutil de mandar la peticion a quina adreça que siá, que de tota faiçon, degun la legirà pas jamai. |