CAN comitat d'accion nihilista

---

PREMSAS UNIVERSITÀRIAS D'INTERÈS SCIENTIFIC de l'ACADÈMIA de LITERATURA e d'ESTUDIS NORMATIUS (PUDIS de l'ALEN)

presentacion	FÀCIA A LA MEDIOCRITAT generalizada de la produccion literària occitana, l'indigéncia de la publicacion de documents pedagogics e didactics e l'inutilitat crassa del mond universitari occitan, lo CAN a creat lo son pròpri departament de recèrca en lenga e literatura occitanas, l'Acadèmia de Literatura e d'Estudis Normatius (ALEN). Precisam, per los que somiarián d'èsser aculhits coma membres d'aquela prestigiosa institucion, qu'es completament inutil de far acte de candidatura. La qualitat de membre de l'ALEN s'aquesís sonque per cooptacion segon una règla secreta que garantís l'opacitat completa de la procedura.     La foncion oficiala d'aquela acadèmia es de fixar las nòrmas esteticas, linguisticas e graficas de l'Occitan Vertadier. L'Occitan Vertadièr (OV) o Occitan Pur (OP) o Occitan Unenc (OU) es un concèpte elaborat per tota una cordilhada d'eminents linguistas, coma Robert L'Afront, Jacme Tapioca,  Pèire Beca o Rogièr Timbrat e, mai tardierament, Patric Suauset. Malastrosament, cadun d'aquels grands especialistas a donat sa definicion personalada de l'occitan vertadièr que s'es revelada diferenta de las definicions de sos colegas. L'ALEN del CAN a atal repertoriat 26 758 versions diferentas de l'OV jos divèrsas denominacions (OP, OU, OI (Occitan Ideal ), OLL (Occitan Lengadocian Literari)… L'ALEN del CAN es alavetz oficialament encargada de normativizar totas aquelas nòrmas, per crear una metanòrma.  L'occitan metanormativizat gràcia al trabalh de l'ALEN es l'OVNI (Occitan Virtual Normativizat Institucionalament). L'objectiu del CAN e de generalizar l'usança de l'OVNI a l'ensems de la populacion per ne faire un occitan novèl, lo NOVLenga (Neo-Occitan Virtual Language).     Per far conèisser lo trabalh dels gròs realizat per l'ALEN, l'acadèmia a creat son sector d'edicion, las PREMSAS UNIVERSITÀRIAS D'INTERÈS SCIENTIFIC (PUDIS). Lo lector trobarà dejós la primièra lista d'obratges publicats per PUDIS de l'ALEN, tant en literatura coma en estudis linguistics. Aquels obratges son completament impossibles de comprar o de comandar. Sonque qualques paubres nècis se poirián estonar d'aquela situacion: las publicacions occitanas, de tota faiçon, se pòden pas trobar jamai.
los sectors
OLP
publicacions
los dorsièrs
comunicats
vida vidanta
kit de subrevida en mitan occitanista
contacte

---

DICCIONARIS E OBRATGES LINGUISTICS

Grand diccionari general de l'occitan parlat e escrich al Magdalenian superior, de Cacalausa
editat amb l'ajuda del CACAOC (Comitat dels ancians Combatents de l'Amistat Occitanò-Catalana)

L'Occitan pòst-modèrne, de Jacme Tapioca

Diccionari de mila mots que degun ne'n a pas res a faire, de Jacme Tapioca
ambe la traduccion en esperanto, volapuk, louchebem, verlan, merlenga, osbec, tadjic e inuit

Tot en Tòc, obratge collectiu
primièr diccionari basic occitan-occitan
ex: pòrta n. f. : pòrta

diccionari occitan lemosïn-lemosïnant-lemosïnaire, de Ives Davalada
estampat en lemosïn sus dau papïer lemosïn emb de l'ïncra lemosïná

ESTUDIS E ENSAGES

Los vèrms occitans, de Patric Suauset
ensag de taxonomia vermicòla lengadociana, a partir de la quala la classificacion dels vèrms d'autres dialectes se deriva en diacronia

L'Instinct de mòrt del mascle occitan, de Josiana Ubu

De l'utopie au nihilisme, de Enric Johnjohn

LITERATURA

La Chacha a la guitona, de Robèrt L'Afront (nobelizable?)
poëma epic publicat primièr a las edicions FORN

Moi, je, de Claudi Sucre (vist a la TV)
pensadas prigondas

Moi, je, jo, de la musica, de Bernat Labuta
jazztrapèla gascolha

Jo/Yo/Ni/Moi, de Bernat Mancheta (nobelizable)
poema mineral revirat en espanhòl, basco e francés per Guy Latrica

Moi, antiregionalista, de Marcel-Félix Castanheta
filosòf  TER

Ieu, me'n foti, de Pèire Passalamessa

E ieu, e ieu, e ieu, de Joan-Ives Crassanòva

Lo Remembre dins lo jardin, de Joan-Ives Crassanòva

La Concierja dins l'escalièr, de Joan-Ives Crassanòva

La Clau dins lo topin de gerànium, de Joan-Ives Crassanòva

L'obludança dins leis cagadors, de Joan-Ives Crassanòva

Lei Cassa-colha, de Michel Minus
edicion postuma amb la traduccion francesa publicada per los Amics de Michel Minus

Blue Lagoon I, de Max Raqueta (nobelizable)

Blue Lagoon II (lo retorn), de Max Raqueta (nobelizable)

Blue Lagoon III, de Max Raqueta (nobelizable)

Blue Lagoon IV, de Max Raqueta (nobelizable)

Blue Lagoon V, de Max Raqueta (nobelizable)

Tota la sabla de la mar (Blue Lagoon VI), de Max Raqueta (nobelizable)

LITERATURA INFANTILA

L'Enterrament a Sabres en benda dessenhada, de Bernat Mancheta (nobelizable)
dessenhs de Guy Latrica

Vesins e barbars, de Claudi Farinièr

Contes de las doas votz / Nuèit contarèla, de Nicolas et Primprenelle

La Segonda pruna, de Micheu Chandalh

back to the CAN