presentacion |
VIVEM,
a çò que pareis, dins una epòca
pòst-moderna caracterizada per la subjectivitat de la
pensada, la localitat de las valors e la fragmentacion dau monde. Lo
desconstructivisme tòca pertot, e seriá temps per lo
movement occitanista de ne'n prener la mesura.
Per questa rason, una còla de militants an decidit, de faiçon completament anonima e ultra-gropusculara, de crear un Comitat d'Accion nihilista (CAN). Los grands principis dau CAN son la meschaenta fe, lo pilhatge intellectuau e la parcialitat. Sa devesa, manlevada a un eminent professor britanic dau segle passat, es : "Never explain, Never regret, Never apologise" Lo CAN se proclama sens fe mas pas sens meschaenta fe, sens pietat ni compassion, antinacionalista e antipatriòta. Estufa pendent lo Se Canta, peta pendant la Copa Santa e chia dins lo drapeu occitan. Fau pas creire tot-parier que l'antinacionalisme e l'antipatriotisme del CAN siá espeficic a l'occitan. Lo CAN considera emb un mespretz parier los idolatras de la França eterna, adorators cercevelats de l'excepcion francesa e autres aiatolàs de las pretendudas valors de la Republica que convertissen los principis en unifòrme e la cuitadanetat en aleujança. Lo CAN compissa tanben los abocinaires de l'Occitania, parasites envejós de l'occitanisme que son los provençalistas, arvernistas, bearnistas, vasconistas e autres obsedits de mitologia protò-istorica de pacotilha, daus particularismes microdialectaus e de la produccion autarcica de multigrafias. |
comunicats | |
vida
vidanta |
|
kit
de subrevida en mitan occitanista |
|
contacte | |